Бүгүн Ил Дархан Айсен Николаев бырабыыталыстыба чилиэннэрэ кыттыылаах киэҥ ыҥырыылаах пленарнай мунньаҕа буолла. Онно кини эрэгийиэн бырабыыталыстыбата бу сылга үлэтин торумнаата.
Айсен Сергеевич болҕомтотун ордук Путин ыам ыйынааҕы олоххо киллэриигэ, наиональнай бырайыактарга уурда. “Сотору кэминэн хас биирдии бырабыыталыстыба чилиэнигэр национальнай бырайыактары олоххо киллэриигэ ким-туох, ханнык эппиэтинэһи сүгэрин ымпыгар диэри ыйан-кэрдэн киллэриэхпит. Ол түмүгүнэн сыл бүтүүтэ ким хайдах үлэлээбитин сыаналыахпыт”, — диэн мас-таас курдук эттэ.
Маны таһынан, кини үлэ хаачыстыбатыгар ордук болҕомтону уурар наадатын тоһоҕолоото. Толоруу дисциплината эрэгийиэн бырабыыталыстыбата салайар кыаҕын көрөдрүөхтээх диэтэ.
Үүммүт сылга сүрүн соруктарга инвестиция бырайыактарын учуоттаан туран бүддьүөтү сөптөөхтүк ороскуоттуур биир бастакынан турда. Маны таһынан, бырабыыталыстыба ааспыт сыллааҕы отчуотун тэрийиини, халааҥҥа, навигацияҕа, сааскы ыһыыга эрдэттэн кичэллээхтик бэлэмнэнэр соруктары туруорда.
Мунньахха Айсен Николаев олорор дьиэлэргэ, социальнай эбийиэктэргэ, тутууларга баһаар куттала суоһаабатын курдук күүскэ дьаһанар наадатын эттэ.
