Хотугу Кэриэйэ лиидэрэ Ким Чен Ын муус устар 25 күнүгэр Владивосток куоракка В.Путины кытта көрсө кэлиэ.
Ким Чен Ын бу күн Путины кытта көрсөн баран тута төннүө, оттон Путин салгыы Кытайга барыахтаах. Көрсүһүү Уһук Илиннээҕи федеральнай университет кампуһугар буолуоҕа. Бу тутууну хотугу кэриэйэлэр бэйэлэрэ “куттала суох буолуу өттүнэн табыгастаах” диэн бэйэлэрэ талан ылбыттар.
Санаттахха, бу — Ким Чен Ын Арассыыйаҕа аан бастакы сырыыта. Кини аҕата Ки Чен Ир Арассыыйаҕа 3-тэ кэлэ сылдьыбытын билэбит. Бу көрсүһүүгэ сүрүннээн туох туһунан кэпсэтии барарын билбэппит эрээри, онно Арассыыйа Хотугу Кэриэйэҕэ матырыйаалынай көмө оҥорорун туһунан тиэмэ син биир таарыллара буолуо диэн сылыктыыбыт.
