Бүгүн, бэс ыйын 13 күнүгэр, Ил Дархан Айсен Николаев саҥа анаммыт өрөспүүбүлүкэ борокуруорун, юстиция ыстаарсай сүбэһитэ Олег Нарковскайы кытары көрүстэ.
Көрсүһүүгэ өрөспүүбүлүкэ сокуоннарын уонна борокуратуура дьарайар үлэтин тула кэпсэттилэр. Олег Нарковскай өрөспүүбүлүкэ борокуруорун быһыытынан үлэлииргэ толору бэлэмнээҕин биллэрдэ.
“Ордук болҕомтобун хоруупсуйаны кытары охсуһарга, экология эйгэтигэр буруйу оҥорууга, дьиэ-уот хомунаалынай хаһаайыстыбатын эйгэтигэр сокуону тутуһууга ууруоҕум. Бастатан туран, үлэбин улуустааҕы борокуоратуура үлэтин бислииттэн саҕалыыбын”, – диэтэ Олег Нарковскай.
Айсен Сергеевич Олег Нарковскайга баай уопутун туһанан хорутуулаахтык үлэлииригэр эрэнэрин биллэрдэ. Маны таһынан, борокуратуура өрөспүүбүлүкэ олохтоохторун туһугар бырабыыталыстыбаны кытары бииргэ үлэлэһэригэр этии киллэрдэ.
Санатар буоллахха, бу иннинэ Красноярскай кыраайга борокуруордан олорбут Олег Нарковскайы Владимир Путин бэс ыйын 7 күнүгэр өрөспүүбүлүкэ борокуруорунан аныырын туһанан ыйааҕа тахсыбыта.
