От ыйын 26 күнүэр Ил Дархан Айсен Николаев СӨ судаарыстыбаннай сүбэһитин Вячеслав Штыровы кытта көрүстэ. Кинилэр социальнай-экономическэй сайдыы, чуолаан, тыраанспар комплексын уонна суол хаһаайыстыбатын туһунан кэпсэттилэр.
Вячеслав Штыров пуойас кэлиитин туһунан санаатын эттэ: “Бу үгүс саха дьоно күүппүт ыра санаата буолуохтаах. Бу түгэн өрөспүүбүлүкэ олоҕор улахан оруолу ылыахтаах. Ол курдук, норуот хаһаайыстыбатын бары хайысхаларын конкуреннаһар кыахтарын күүһүрдүөхтээх. Биир өттүнэн олохтоохтор олохторун таһымын үрдэтиэхтээх”.
Вячеслав Штыров пуойас кэлиитэ тыраанспар комплексын сайыннарыыга кыах биэрэр диэн бэлиэтиир. Кини этэринэн Магадан уобалаһын диэки тимир суолу тутууну салҕыыр тоҕоостоох.
Ил Дархан Вячеслав Штыровы өйүүр уонна Аллараа Бэстээх ыстаансыйата өрөспүүбүлүкэҕэ эрэ буолбакка, бүтүн дойду хотугу-илиҥҥи тыраанспар-логистика киинэ буоларыгар эрллээҕин эттэ.
