Ил Дархан Твиттергэ сирэйигэр Марьяна Маркова СӨ Үөрэххэ уонна билимҥэ миниистирин солбуйааччытынан анаммытын туһунан биллэрэр.
Бу иннинэ кини киин куорат дьаһалтатын хонтуруоллуур-бэрэбиэркэлиир управлениетын салайан олорбута.
Марьяна Маркова 1976 с. төрөөбүт, 1998 с. И.И. Фадеев аат. Дьокуускайдааҕы үп-экэниэмикэ колледжын бүтэрбит, 2001 с. — РУДН, 2016 с. — РАНХиГС. 1997 сылтан ыла куорат дьаһалтатыгар үлэлээн саҕалаабыт: үөрэх управлениетыгар, экэниэмикэ кэмитиэтигэр үлэлээбит. 2012-2013 сс. — үлэ уонна социальнай сайдыы министиэристибэтигэр үлэ сыһыаннаһыыларын департаменын салайбыта. 2013 сылтан ыла куорат хонтуруоллуур управлениетын салайааччытынан олорбута.
Санатар буоллахха, от ыйын 2 күнүгэр үөрэх миниистирин солбуйааччытын дуоһунаһыттан Василий Мигалкин босхоломмута.
