Уһук Илиҥҥэ бэрэсидьиэн боломуочуйалааҕа – вице-премьер Юрий Трутнев баһаартан уонна халаантан эмсэҕэлээбит Уһук Илин эрэгийиэннэрин баһылыктара чөлүгэр түһэрии үлэтин тус хонтуруолларыгар ылыахтаахтар диэн эттэ. Бу туһунан “Интерфакс” иһитиннэрэр.
“Баһаартан уонна халаантан сибээстээн тахсыбыт быһыыга-майгыга ураты болҕомтобун ууруохпун баҕарабын. Бары бэркэ билэҕит, Забайкальеҕа ойуур уотун кэннэ Владимир Владимирович Путин дьаһалынан инфраструктураны чөлүгэр түһэриигэ үлэ барар. Мин Александр Михайлович Осиповка (Забайкалье күбүрүнээтэрин быстах кэмҥэ солбуйааччы) туһаайан, бэрэсидьиэн сорудаҕын кэмигэр уталыппакка толороллоругар этиэм этэ. Бэрт кыра кэм хаалла. Биһиги сөптөөх көмөнү оҥоробут, бырабыыталыстыба туһааннаах миэрэлэри ылыммыта, инньэ гынан барыта больдоммут кэмигэр түмүктэниэхтээх. Итини барытын тус хонтуруолгутугар ылыҥ диэн көрдөһөбүн”, — диэн оптуорунньукка буолбут мунньахха тойон Трутнев маас-таас курдук эттэ.
Вице-премьер халаантан эмсэҕэлээбит эрэгийиэннэргэ федеральнай былаастар сөптөөх көмөнү оҥорбуттарын туһунан эппит.
“Билигин Еврейскэй автономиялаах уобаласка уонна Хабаровскай кыраайга халааҥҥа бэрт уустук балаһыанньа үөскээтэ. Амыр уобалаһыгар балаһыанньа көннө, ол эрээри кыһалҕалар син биир бааллар. Дойду бырабыыталыстыбата эмсэҕэлээбиттэргэ туһааннаах көмөнү оҥорорго миэрэлэри ылыммыта. Ол эрээри сүрүн үлэ бастатан туран миэстэтигэр ыытыллыахтаах. Онон хас биирдии баһылык тус хонтуруолга ылан үлэлиирин ирдиибин”, — диэтэ Юрий Трутнев.
Сэҥээриилэр
блох для обработки помещений: http://zoo-raduga.ru