Балаҕан ыйын 27 күнүгэр, Саха Өрөспүүбүлүкэтин Судаарыстыбаннаһын күнүн көрсө, өрөспүүбүлүкэбит Ил Дархана Айсен Николаев быһа, аһаҕас эпииргэ тахсыаҕа.
Ил Дархан дьон-сэргэ, норуот саамай долгуйар ыйытыыларыгар хоруйдуоҕа, өрөспүүбүлүкэҕэ сыһыаннаах араас тоҕоостоох тиэмэлэри сырдатыа, суһал, кыһалҕалаах боппуруостары быһаарыа, Саха сирин стратегиялаах сайдыытыгар санаатын этиниэ.
Айсен Николаевы кытта быһа биэриини “НВК “Саха”, “Якутия 24”, “Россия 24” ханаалларга, “Саха” араадьыйатыгар, “Радио России”, ону таһынан социальнай ситимнэргэ көрүөххэ-истиэххэ сөп.
Ыйытыыны биэрии кэмигэр элбэх ханааллаах төлөпүөнүнэн ылыахтара. Ону таһынан эрдэттэн маннык нүөмэрдэргэ эрийтэрэн эмиэ суруйтарыаххытын сөп: 8 (4112) 508-229 (үлэ чааһыгар) эбэтэр Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа. Ыйытыыга киһи аата-суола, аҕатын аата, араспаанньата, сибээстэһэр нүөмэрэ ыйыллыахтаах.
