РФ Бырабыыталыстыбатын бэрэссэдээтэлин солбуйааччы – РФ бэрэсидьиэнин Уһук-Илиҥҥэ боломуочуйалаах бэрэстэбиитэлэ Юрий Трутнев үс эрэгийиэҥҥэ сылдьыаҕа. Сэтинньи 27-28 күннэригэр Саха сиригэр кэлэрэ күүтүллэр.
Ол курдук, сэтинньи 27 күнүгэр Уһук-Илиҥҥи уокурукка инвестицияны көрүү, социальнай инфраструктураны тэрийии, чэпчэтиилээх ипэтиэкэни олоххо киллэрии курдук сытыы боппуруостар тула мунньах ыытыаҕа. Ону таһынан, аэропортары тутуу уонна саҥардан оҥоруу боппуруостарын көрүөҕэ.
Юрий Трутнев өрөспүүбүлүкэтээҕи кардиологическай диспансер иккис уочаратын тутуу үлэтин билсиэҕэ. Бу күн “Умный город — комфортная среда для жизни” диэн Уһук-Илиҥҥи форум пленарнай мунньаҕар кыттыыны ылыаҕа.
Сэтинньи 28 күнүгэр Саха сиригэр ТОР сайдыытын боппуруоһунан мунньах ыытыллыаҕа.
