Ил Дархан Айсен Николаев бу күннэргэ дойду тэбэр сүрэҕэр үлэлиир. Кини бэҕэһээ, кулун тутар 23 күнүгэр РФ Бырабыыталыстыбатын бэрэссэдээтэлин солбуйааччы Марат Хуснуллины кытары көрсүбүт.
Көрсүһүүгэ Уһук Илиҥҥэ уонна биһиги өрөспүүбүлүкэбитигэр ураты суолталаах боппуруостары дьүүллэспиттэр: "Олорор дьиэ" федеральнай бырагыраама иитинэн олорор дьиэлэри тутуу кээмэйин улаатыннарыы, элбэх кыбартыыралаах олорор дьиэлэргэ уонна ититииннэн хааччыйыы тиһигэр хапытаалынай өрөмүөнү. Маны таһынан "Айан суол тиһигэ" эрэгийиэннээҕи бырайыагы олоххо киллэриини уонна Саҕуруу Саха сирин чоҕу хостуур тэрилтэлэрин уонна Илиҥҥи тимир суол полигонун сайдыыларын тула кэпсэппиттэр.
