Киир

Киир

 

Соҕуруулуу уонна Арҕаа байыаннай уокуруктар байыаннай күүстэрэ Арассыыйа соҕурууҥҥу кыраныыссаларыттан бастайааннай дислокацияланар сирдэригэр төннөн барыахтара, диэн биллэрдэ Көмүскэнии министиэристибэтин баһылыга Сергей Шойгу. Байыаннай күүстэр бэйэлэрин бастайааннай дислокацияланар сирдэригэр ыам ыйын 1 күнүгэр диэри төннүөхтэрэ.

«Суһал бэрэбиэркэ сыалын-соругун толору сиппитинэн ааҕабын. Арассыыйа аармыйата куттал суоһаатаҕына дойдуну көмүскүүргэ толору бэлэмин көрдөрдө. Манан сибээстээн, миигинэн быһаарыы ылылынна, Соҕуруу уонна Арҕаа байыаннай уокуруктарга бэрэбиэркэлиир тэрээһиннэри түмүктүүргэ», - диэн эттэ Шойгу Крымҥа сүбэ мунньах кэмигэр.

«Арассыыйа Сэбилэниилээх күүстэрэ дойду кыраныысатын таһыгар ханнык баҕар уларыйыыларга түргэнник хардаралларын чаҕылхайдык көрдөрдүлэр», - диэн миниистир тоһоҕолоон туран бэлиэтээтэ.

Шойгу эттэ, Крымҥа өскөтүн өстөөх десанын утары үөрэх дьайыытыгар биэрэктээҕи «Бал» уонна “Бастион” ракетнай комплекстар, “Иноходец” беспилотниктар, “Раптор” ботуруулунай катердар итиэннэ “атын саҥатык сэриилэһэр сэбилэнии көрүҥнэрэ” туттулуннулар.

Тарҕат:

Санааҕын суруй

Бүтэһик сонуннар