Киир

Киир

Бэҕэһээ Нерюнгри оройуонун баһылыгын быыбардаатылар. Онно куоластааччы  23% кыттыбыт. 

Киин быыбардыыр хамыыһыйа куоластааһын түмүгүн таһаарда. Быыбарга уопсайа 12458 киһи кыттыбыт (быыбардааччы уопсай ахсаана - 54 087 киһи). Баһылыкка 4 хандьыдаат киирсибит: Ил Түмэн дьокутаата, "Нерюнгрипромстрой" ХЭУо генеральнай дириэктэрэ Андрей Дорогань (ЛДПР), "Лифтремонт" АУо дириэктэрин уопсай боппуруоостарга солбуйааччы Валерий Рига ("Гражданская платформа"), "Якутуголь" персоналы кытары үлэлэһэр департаменын дириэктэрэ Роман Щегельняк ("Биир ньыгыл Арассыыйа") уонна "Переработчик" МУТ юрисконсультана Андрей Легчило ("Сиэрдээх Арассыыйа").

Куоластааһын түмүгэ маннык буолбут:

Андрей Дорогань — 31,78% (3958 киһи)

Андрей Легчило — 10,72% (1335 киһи)

Валерий Рига — 8,62% (1073 киһи)

Роман Щегельняк — 42,34% (5274 киһи).

Инньэ гынан, Нерюнгри оройуонун баһылыгынан Роман Щегельняк талылынна. Кини 1973 сыллаахха тохсунньу 14 күнүгэр Краснодар куоратыгар төрөөбүт. "Якутуголь" хампаанньаҕа персоналы кытары үлэлэһэр департамеҥҥа дириэктэрдээбит, 2003 сыллаахха Арассыыйа ХК 160 ыст. 1 ч. (атын киһи баайын иҥэринэн айбардааһын) усулуобунай болдьоххо сууттаммыт, онтун 2004 сыллаахха саппыт.

Нерюнгри оойуонун бу иннинэ салайан олорбут  Виктор Станиславскай тохсунньу 25 күнүгэр дьиэ кэргэниттэн сылтаан баҕа өттүнэн уурайбыта.

 

Тарҕат:

Санааҕын суруй