Киир

Киир

 

Чунуобунньуктар коррупциялаан оҥостубут дохуоттарын аны арассыыйа бүддьүөтүгэр тутар буолуохтара диэн, Судаарыстыбыннай Дуумаҕа бастакы ааҕыыны ааспыт саҥа сокуон бырайыага этэр.

Докумуону Арассыыйа Федерациятын бырабыытылыстыбата көҕүлээтэ. Пленарнай мунньахха юстиция миниистирин солбуйааччы Андрей Логинов иһитиннэрбитинэн, чунуобунньуктар, кинилэр кэргэттэрин уонна саастарын ситэ илик оҕолорун усчуоттарыттан судаарыстыба дохуотугар харчыларын тутар буолуохтара өскөтүн бу харчы сокуоннайдык кэлбит төрүөтэ бигэргэммэтэҕинэ. Сокуон итиэннэ коррупцияны утарар сокуон таһаарыытын ирдэбиллэрэ тарҕанар судаарыстыбыннай корпорацияларын уонна онуоха атылыы тутуллаах тэрилтэлэрин таарыйыаҕа.

Бэрэбиэркэ саҕаланыаҕа – өскөтүн чунуобунньук үс сыллааҕы дохуота кини дьиҥ дохуотун куоһарар буоллаҕына. Тустаах анал бигэргэтэр докумуоннары борокоротуура ирдиир буолуоҕа. Усчуокка хантан кэлбитэ биллибэт харчы сокуоннай дакаастабылын туоһулуурга үс эрэ күн биэрэр буолуохтара. Судаарыстыба 10 тыһыынчаттан үрдүк сууммаларынан интириэһиргиэҕэ. Дохуоттар сокуоннай төрүөттэрэ биллибэт буоллахтарына борокоротуура суукка дьыала тэрийэр бу харчыны былдьыырга.

«Өскөтүн борокуруор бэрэбиэркэтин түмүгэр соруйан хос санаалаах дьай оҥоруу эбэтэр коррупционнай сокуону кэһии суоҕа билиннэҕинэ, суукка дьыала бэриллибэт», - диэн чопчулаан быһаарда дьокутааттар ыйытыыларыгар, юстиция миниистирин солбуйааччы.

Юстиция министиэристибэтигэр эрэнэллэринэн, маннык сокуон бырайыагын ылыныы, маны барытын таһынан коррупционнай сокуону кэһиигэ сэрэтии быһыытын олоххо киириэҕэ.

Билиҥҥи кэм туругунан судаарыстыба дохуотугар коррупционердар сокуоннайа суох дохуоттарынан атыыласпыт баайдарын-дуолларын былдьыыллар – сир учаастактарын, дьиэлэрин-уоттарын, массыыналарын уонна сыаналаах кумааҕыларын, диэн эбэн эттэ Судаарыстыбыннай Дуума куттала суох буолуу уонна коррупцияны утары охсуһар Кэмитиэт бэрэссэдээтэлэ Василий Пискарев. Хайдах гынан быһыылаах-таһаалаах усчуоттан харчыны тутуу олохтоммут нуормата билиҥҥитэ оҥоһулла илик. Дьокутааттар бу нуорма тутулун оҥорорго үлэлэһэллэр.

Тарҕат:

Санааҕын суруй