Киир

Киир

Бүгүн, бэс ыйын бүтэһик күнүгэр, Ил Түмэн 29-с уочараттаах пленарнай мунньаҕа буола турар. Бэбиэскэҕэ 37 боппуруос турар.

Биир бастакынан Ил Түмэн саҥа спикерин таллылар. Спикер дуоһунаһыгар биир эрэ хандьыдаат турда. Ол курдук, "Биир ньыгыл Арассыыйа" баартыйа парламеҥҥа фракциятын салайааччыта Антонина Григорьева Алексей Еремеев дуоһунаһын туруоралларын эттэ.

2ba9a9bc e028 41ae a4fb 48ecbd5a230c

Атын фракциялар кими да туруорбатылар. Арай Госдума дьокутаатынан соторутааҕыта ананан барбыт, ЛДПР Саха сиринээҕи салаатын салайааччыта Гаврил Парахин тыл этэригэр "биһиги баартыйабыт Андрей Дрогань кандидатуратын туруораары гыммыта, ол эрээри, Алексей Ильич турарын истэн баран туттуммуппут. Алексей Ильич чахчы сөптөөх хандьыдаат" диэн билиннэ. КПРФ уонна "Сиэрдээх Арассыыйа" баартыйалар Алексей Еремеев дуоһунаһын өйүүллэрин биллэрдилэр. Маны таһынан, Ил Дархан Айсен Николаев "Алексей Ильич курдук уопуттаах, грамотнай киһи спикеринэн талыллара саамай сөп. Кини сокуону оҥорууга улахан уопуттаах, икки мунньах тухары үлэлээтэ, парламент тутаах, сис кэмитиэтин салайар. Кини олоххо көрсүбүт охсууларын сокуон хараҕынан, чиэстээхтик аһарыммыта", - диэтэ.

Дьокутааттар кистэлэҥ куоластааһын түмүгүнэн Алексей Ильич Еремеев кандидатуратын өйөөтүлэр.  Уопсайа 58 бүллүтүөн баарыттан, биир эрэ дьокутаат утарарын биллэрбит.

Онон, бүгүн саха парламентаризмын устуоруйатыгар умнуллубат түгэн тосхойдо. Ыҥырыылаах мунньах үлэтин ортотуттан спикер уларыйда уонна саамай эдэр спикер талыллынна. Алексей Еремеевич Саха сирин сайдыытын туһугар сүктэриллибит эппиэтинэһин көдьүүстээхтик толоруо диэн эрэнэбит.

Тарҕат:

Сэҥээриилэр

Хыык
0 Хыык 30.06.2021 20:14
Ананна дуу, талылынна дуу?
Ответить

Санааҕын суруй

Бүтэһик сонуннар