Ил Дархан Айсен Николаев СӨ йылҕа харыстабылын миниистирин саҥа солбуйааччытын аныырын туһунан иһитиннэрдэ.
Ол курдук, миниистир солбуйааччытынан-сүрүн лесничэйинэн Сергей Гаврильевич Сивцев ананна. Кини буиннинэ урукку спикер Петр Гоголев секретариатыгар үлэлии сылдьыбыта. Кини иннинэ олорбут миниистир солбуйааччыта Алексей Агеев от ыйын 5 күнүгэр баҕа өттһнэн уурайбыта. ТайгаПост суруйарынан, Агеев өрөбүллэргэ итирик туруктаах уруулга олорбут үһү, ону бырастыы гымматахтар.
Ыспыраапка:
Сергей Гаврильевич Уус Алдан Дүпсээтигэр 1979 сыллаахха төрөөбүт. Кэргэннээх, икки оҕолоох. 2011 сыллахха СГУну географ-гидролог идэлээх бүтэрбит, 2010 с. Уһу Илиннээҕи судаарыстыбаннай сулууспа академиятын менеджэр идэлээх бүтэрбит.
2001 с. Мииринэйдээҕи айылҕа харыстабылын кэмитиэтигэр судаарыстыбаннай иниспиэктэринэн үлэҕэ киирбит. 2002-2004 сс. - экология министиэристибэтигэр айылҕа ресурсаларын управлениетыгар исписэлиистээбит. 2004-2011 сс. - айылҕаны туһаныы эйгэтигэр дьарайар федеральнай сулууспаҕа сүрүн исписэлииһинэн, начаалынньыгы солбуйааччынан үлэлээбит, 2011-2014 сс. начаалынньыктаабыт, 2014-2019 сс. салайааччы солбуйааччытынан үлэлээбит. 2019 с.- Ил Түмэн аппараатыгар начаалынньыктаабыт, быйылгыттан спикер секретариатын салайбыт.
