Уһук Илиҥҥэ Саха сирин бастайааннай бэрэстэбиитэлистибэтин экс-салайааччыта Георгий Никонов Ил Дархан сүбэһитинэн үлэтин саҕалаабыт. Бу туһунан кини инстаграмҥа сирэйигэр иһитиннэрэр.
"Уһук Илиҥҥэ сулууспабын түмүктээтим, онно 2002 сыллаахтан ананан үлэлээбитим. Билигин Дьокуускайга Ил Дархан сүбэһитинэн үлэлээн саҕалыыбын", - диэн суруйбут.
Георгий Никонов от ыйын 19 күнүгэр Ил Дархан Айсен Николаев уурааҕынан постпред дуоһунаһыттан босхоломмута. Кини оннутугар Ил Дархан көмөлөһөөччүтэ Ким Борисов анаммыта, кини бу иннинэ 5 сыл устата бастайааннай бэрэстэбиитэлистибэ салайааччытын солбуйааччытынан олорбута.
Ыспыраапака:
Георгий Дмитриевич Никонов 1956 сыллаахха сэтинньи 22 күнүгэр Хандыгаҕа төрөөбүт. 1980 сыллаахха Омскайдааҕы тыа хаһаайыстыбатын институтун инженер-механик идэлээх бүтэрбит, 1994 сыллаахха Тас эргиэн Бүтүн Арассыыйатааҕы академиятын экэнэмиис идэлээх бүтэрбит. 1998-2002 сс. Таатта улууһун баһылыгынан үлэлээбитэ. 2006 сыллаахха тас сибээс миниистирэн, 2010 с. Хабаровскайга Саха сирин Уһук Илиҥҥэ бастайааннай бэрэстэбиитэлинэн анаммыта.
