Бу 3 күҥҥэ Госдума дьокутааттарын эрэ буолбакка, кэккэ эрэгийиэннэргэ баһылыктары таллылар.
Ол курдук, аймахтарбыт тывалар баһылыктара Шолбан Кара-Оол баҕа өттүнэн астаапкаҕа бу саас барбыта. Кини оннутугар баһылык солбуйааччытынан хаалбыт Владислав Ховалыг куоластааһын барыллаан түмүгүнэн 92,68 бырыһыаны ылан инникилээн иһэр (55,1 бырыһыан бүлүтүөнү ааҕыы түмүгүнэн). Ховалыг аҕатын аатынан Товарищтайович диэн дьикти ааттаах.
Тверь уобалаһыгар күбүрүнээтэрдэрэ Игорь Руденя боротокуол аҥаара ааҕыллыбытын кэннэ 54,76 бырыһыаны ылан кыайан иһэр.
Оттон чеченнэр Рамзан Кадыровка 99,6 бырыһыаны биэрбитэр (12,33 % ааҕыллыбытын кэннэ).
Ыаллыы Хабаровскай кыраай устар сайыны быһа астаапкаҕа ыыта сатаан миитиннээн сордоммут Дегтяревтарын күбүрүнээтэринэн таллылар. Кини 56,81% ылбыт.
Белгород уобалаһын күбүрүнээтэрэ Гладков 79,32% ылан инники тахсыбыт.
