Киир

Киир

Мииринэй улууһун баһылыга Ришат Юзмухаметов болдьоҕун иннинэ дуоһунаһын босхолуурун туһунан иһитиннэрдэ. Бу туһунан оройуон дьаһалтатын пресс-сулууспата суруйар.

"Мин 2018 сыллаахха быыбардааччыларым итэҕэллэрин ылан улуус баһылыгынан анаммытым. Бүгүн бэйэбэр олус ыарахан быһаарыыны ылыным — дуоһунаспын болдьоҕум бүтүөн иннинэ босхолуубун. Бу дуоһунаска иккис болдьоҕум этэ. Уопсайа 8 сыл устатыгар улууһум дьонум-сэргэтин иннигэр үлэлээтим. Мин манна төрөөбүтүм, улааппытым, киһи быһыытынан буһан-хатан тахсыбытым. Улууһум дьонугар, оойуоммут сайдыытыгар кырата суоҕу үлэлээтим дии саныыбын", - диэн иһитиннэриигэ сууллар.

Кини Мииринэйи Айсен Николаев уонна АЛРОСА салалтата өйөөбүт сайдыы былаанынан өссө улахан сайдыылар кэтэһэллэрин бэлиэтиир. "Алмаастах кыраай сайдарыгар төрүөт, бары усулуобуйа баар. Хомойуох иһин, мин онно кэккэ биричиинэлэринэн кыттар кыаҕым суох. Кэллиэгэлэбэр дьаныардаах үлэҕит иһин махталбын биллэрэбин. Биир дойдулаахтарбар бу ыарахан кэмнэргэ миэхэ күүс-көмө буолбуккутугар муҥура суох махтал", - диэн Юзмухаметов суругун түмүктээбит.

Кини баһылыктыыр болдьоҕо 2023 сылга түмүктэниэхтээх этэ.

Тарҕат:

Санааҕын суруй

Бүтэһик сонуннар