Киин быыбардыыр хамыыһыйа иһитиннэрбитинэн, Чурапчы улууһун баһылыгын бу дьыл ахсынньы 12 күнүгэр талыахтара.
Маннык быһаарыыны улуустааҕы дьокутааттар Сэбиэттэрэ бэҕэһээ, алтынньы 18 күнүгэр уочарата суох сессиятыгар ылыммыт. Санатар буоллахха, Чурапчы улууһун баһылыгынан үлэлии олорбут Андрей Ноговицын харчыны сиэһиҥҥэ уорбаланан болдьоҕун иннинэ дуоһунаһыттан тохтотуллубута.
Бу күнтэн ыла быыбарга кимнээх киирсэллэрин бэлиэтээбитинэн барыахтара. Сорохтор ыччат миниистирин Степан Саргыдаевы быыбарга киирсиэ диэн сылыктыыллар.
