Киир

Киир

Бүгүн, алтынньы 20 күнүгэр, Ил Түмэн күһүҥҥү бастакы пленарнай мунньаҕа саҕаланна. Дьокутааттар уопсайа 61 боппуруоһу көрүөхтээхтэр.

Биир бастакынан Госдумаҕа талыллан барбыт Петр Аммосов уонна Юрий Григорьев боломуочуйаларын тохтотору бигэргэттилэр. Маны таһынан, саҥа талыллыбыт дьокутааттар –Сахамин Афанасьев уонна Анатолий Николаев мандааттарын туттулар.

“Сиэрдээх Арассыыйа” баартыйа “Патриоты России” баартыйаны кытары холбоһон “Сиэрдээх Арассыыйа – Кырдьык иһин” диэн буолбуттара. Юрий Григорьев оннугар баартыйалаахтара Аппа уҥуордааҕы бөлөхтөн норуот дьокутаатын Софрон Афанасьевы туруордулар.

Саҥа талыллыбыт дьокутаат Сахамин Афанасьев сир сыһыаннаһыыларын, айылҕа ресурсаларын уонна экологияҕа сис кэмитиэтин бэрэссэдээтэлинэн ананна. Кини иннитигэр кэмитиэти салайан олорбут Владимир Прокопьев Ил Түмэн икки кэмитиэт холбоһуутунан саҥа үөскээбит кэмитиэтин – судаарыстыбаннай тутулга уонна олохтоох салайыныыга кэмитиэтин салайар буолла.

Инньэ гынан, парламеҥҥа 13 кэмитиэт (14 этэ) уонна 1 хамыыһыйа (мандатнай уонна регламентай) баар буолла. Регламент 10-с ыстатыйатыгар уларыйыы киирэн, кэмииэттэр чилиэннэрин ахсаана улаатта. Урут 5-тэн кыра уонна 15-тэн элбэҕэ суох чилиэн баар бууолуохтаах эбит буоллаҕына, билигин 17-ҕэ дылы улаатта.

Тарҕат:

Санааҕын суруй