Саха сиригэр дойду бырабыытылыстыбатын бэрэссэдээтэлин солбуйааччы – Арассыыйа Уһук Илин уокуругар бэрэсидьиэн боломуочунай бэрэстэбиитэлэ Юрий Трутнев, Арассыыйа Федерациятын Уһук Илин уонна Арктика сайдыытыгар миниистирэ Алексей Чекунков кэллилэр. Бу туһунан өрөспүүбүлүкэ Ил Дарханын уонна бырабыыталыстыбатын пресс-сулууспата иһитиннэрэр.
Үлэ хамандырыапкатынан кинилэр өрөспүүбүлүкэ Ил Дархана Айсен Николаевтыын Бэс Күөл сэлиэнньэтигэр тиийиэхтэрэ, онно баһаартан эмсэҕэлээбит дьон саҥа дьиэлэрин туруктарын, кинилэргэ төһө көмө оҥоһуллубутун бэрэбиэркэлиэхтэрэ.
Дьокуускайга Юрий Трутнев хас даҕаны мунньах ыытыаҕа, манна эниэргийэ харыстааһыныгар (энергосебержение) сыһыаннаах боппуруостар эмиэ таарыллыахтара; өрөспүүбүлүкэ сиригэр-уотугар инбиэстииссийэлээх бырайыактары олохтуур инбиэстэрдэри кытары көрсүһүөҕэ
