Ил Дархан Айсен Николаев, Өрөспүүбүлүкэ төрүттэммитэ 100 сылын көрсө, быйыл төрөөбүт оҕолорго анаабыт 100 тыһ. төлөбүрүн ким ылар бырааптааҕый? Бу боппуруоска Эрэгийиэнээҕи салайар киин исписэлиистэрэ эппиэттииллэр, Саха сиринээҕи Үлэ министиэристибэтин көрдөрүүлэригэр тирэҕирэн.
«Сүүс сыл оҕолоро» туһаайыллыбыт хапытаалы, сайабылыанньа суруйуута суох, оҕо 2022 сыл тохсунньу 1 күнүттэн ахсынньы 31 күнүгэр диэри төрөөбүтүн туоһулуур докумуоҥҥа олоҕуран толору туһаныахха сөп.
Хапытаал уу харчынан буолбакка, сэртипикээт быһыытынан бэриллэр. Анал сыалларга:
- кирэдьиит тэрилтэлэригэр уурунуу оҥосторго
- оҕо үөрэҕэр
- оҕону эмтээһиҥҥэ, оҕо медико-социальнай реаблитациятыгар, санаторий-куруорт эмтэниитигэр өрөспүүбүлүкэ таһыгар кытта, бырайыаһын киллэрэн туран
- Арассыыйа устун дьиэ кэргэнинэн сынньанарга
- дьиэ-уот өрөмүөнүгэр
- тырааныспар атыылаһарга
- кэтэх хаһаайыстыбаны сайыннарарга, ол иһигэр тыа хаһаайыстыбатыгар туһаныллар тиэхиннькиэни атыылаһыыга
- оҕо олоҕун уонна доруобуйатын страховкалааһыҥҥа
Игирэ төрөөтөҕүнэ, хас биирдии бэйэлэригэр сүүстүү тыһ.солк. көрүллэр.
Саха сиринээҕи Доруобуйа Харыстабылын министиэристибэтин көрдөрүүтүнэн, үүммүт 2022 сыл гатохсунньу 1 күнүттэн 9 чыыһылатыгар диэри өрөспүүбүлүкэ үрдүнэн 230 кырачаан күн сирин көрбүт.
Өрөспүүбүлүкэҕэ, «Сүүс сыл оҕолоро» туһаайыллыбыт хапытаал бастакы бас билээччитинэн Амма улууһугар төрөөбүт уолчаан буолла. Кини тохсунньу 1 күнүгэр, 00 ч. 12 м. төрөөн ийэлээх-аҕатын дьоллото.
