Хотугу Кэриэйэ быйыл Саҥа дьыл бырааһынньыгын кэнниттэн хайыы үйэ 4-с ракетатын ытан боруобалаабытын иһитиннэрэр.
Быһата, “күүһүн көрдөрөр, быччыҥынан оонньуур”. Холобур, тохсунньу 11 күнүгэр кэриэйдэр ыппыт “гиперзвуковой” ракеталара 1000 км көтөн тиийэн сыалын чопчу таппыт үһү. 14-с чыыһылаҕа кинилэр эмиэ ханнык эрэ ракетаны ыппыттарын эппиттэрэ.
Онно хоруйдаан, АХШ “ытыалаан бүтүҥ, ХНТ сааҥсыйаларын биллэриэхпит” диэн суоһурҕаммыттара да, кэриэйдэр ол аайы кыһаллан бэрт. “Биһиги бэйэбитин көмүскэнэр бырааптаахпыт, онон-манан кииримэҥ-тахсымаҥ, биһиги эһиэхэ өссө хоччорхойдук хоруйдуохпут”, – диэн хардары сааммыттара.
Маладьыас дьон: кинилэргэ ким да Афганистаҥҥа дуу, Иракка дуу курдук киирэн күүһүнэн айбардыа суоҕа.
