Киир

Киир

АХШ Арассыыйа утары, кэрдиистэринэн буолбакка, тута биир кэлим санкцияны олохтуохпут диэн сааннылар. Бу түмүгэ олус улахан содуллаах буолуон сөп. «Лента.ру» бартаал иһитиннэрэринэн, Үрүҥ дьиэ бэрэстэбиитэллэрэ брифинг кэмигэр бу туһунан эппиттэр.

«Биһиги улахан мастаабтаах санкцияны киллэрэргэ бэлэммит. Бу манныгы 2014 сыллаахха көрбөтөхпүт. Ол аата, дьаһалы кэрдииһинэн киллэрии диэн суох буолуоҕа. Бу сырыыга санкциябытын муҥутуур чыпчаалтан саҕалыахпыт уонна ону тутуһан сылдьыахпыт», - диэн сайабылыанньаҕа этиллэр.

Маныаха, өскөтүн Арассыыйа үнүстүрүмүөн быһыытынан гаас поставкатын Дьобуруопаны кыһарыйардыы туттар түбэлтэтигэр, АХШ Дьобуруопаҕа гааһы тиэрдии диверсификациятын туһунан былааны торумнуур эбит.

«Bild» хаһыакка сурулларынан, Арассыыйаҕа анаммыт саҥа хааччахтар сырье уонна сэрии сэбин экспортун, маны сэргэ, дипломаттыы сибээһи олохтууру хаарыйыахтаах.

Санкция туһунан чопчулуур буоллахха, Арассыыйатааҕы атыы суолларын сабыахтаахтар, сырье уонна сэрии сэбин аан дойдуга экспортуулларын тохтотуохтаахтар уонна Арассыыйа дипломаттыы соруктаах үлэлии сылдьар исписэлиистэрин аччатыахтаахтар. ЦРУ баһылыга Уильям Бернс оҥорбут былаана этэринэн, маныаха Арассыыйа экэниэмикэтэ 50 миллиард дуоллар сүтүктэниэхтээх. Дьэ, абалаах диэтэххит!

Тарҕат:

Санааҕын суруй