Францияҕа Тас дойду дьыалатын министиэристибэтин тойоно Жан-Ив Ле Дриан Арассыыйа Украина утары дьайыылары оҥоруон сөптөөҕүн туһунан иһитиннэриини олоҕо суоҕунан ааҕар.
"Билигин балаһыанньа дьоһун, уонунан тыһыынча Арассыыйа саллааттара Украина кыраныыссатын таһыгар тураллар. Бу күннэргэ, Белоруссияҕа, Украиналыын кыраныыссаҕа, Арассыыйа уонна Белоруссия саллааттарын икки ардыларыгар байыаннай үөрэхтэр буолуохтара. Бу, тастан мэһэйдэһии үөксүүрүгэр төрүөт буолуох курдук... Ол эрээри, биһиги билэрбитинэн, Путин бэрэсидьиэн туох эмит дьайыылары оҥоруон сөбүн туһунан иһитиннэрии суох», - диэн France 2 ханаалга Ле Дриан эппит.
Арассыыйа Украинаны утары туох эрэ былаан оҥоро сылдьар диэн сабаҕалаан көрөөһүннэри Москубаҕа утараллар, кинилэр кимиэхэ даҕаны өстүйбэккэ, сааммакка сылдьалларын туһунан этэллэр уонна итинник сыыһа санаан, НАТО Арассыыйа кыраныыссаларыгар өссө элбэх байыаннай тиэхиникэни аҕаларын курдук төрүөт оҥостоллор дииллэр. Москуба этэринэн, РФ байыаннайдарын бэйэтин кыраныыссатын иһигэр хайдах саныырынан көһөрүөн сөп уонна бу дьайыы туох даҕаны кутталы, долгуйууну үөскэтиэ суохтаах.
РФ Тас дойду дьыалатын министиэристибэтин тойоно Сергей Лавров этэринэн, Арассыыйа Украина тула кэмпилииктээх балаһыанньаны үөдүтэргэ туох даҕаны төрүөтү үөскэппэт...
Ылыллыбыт саайтын сигэтэ - https://ria.ru/20220202/ukraina-1770624589.html
Сэҥээриилэр