Арассыыйа Бэрэсидьиэнэ Владимир Путин бэҕэһээ биир чаастаах быһа биэриигэ дойду олохтоохторугар туһаайан тыл эттэ. Бу кэмҥэ кини Арассыыйа Донецкай уонна Луганскай норуодунай өрөспүүбүлүкэлэри тутулуга суохтарын туһунан билиммитин туһунан биллэрдэ.
Бэйэлэрин тутулуга суохпут диэн билиммит өрөспүүбүлүкэлэр ыйаахтара тахсыбытын кэнниттэн, Денис Пушилин уонна Леонид Пасечник доҕордоох буолуу, бииргэ үлэлиэхтээхтэрин уонна бэйэ-бэйэлэригэ өйөбүллээх буолуохтаахтарын туһунан дуогабарга илии баттаатылар.
Быһа биэрии бириэмэтигэр Владимир Путин Украина былааһын сэриини саҕалаабыт уонна Арассыыйаны утары бэлиитикэни олохтообут дойду быһыытынан билиннэ, маны таһынан, АХШ уонна Дьобуруопа аан дойду таһымнаах сөбүлэҥ түһэрсиитин кэспиттэрин, оттон НАТО Илин диэки киирэ сатыырын туһунан эттэ.
