Киир

Киир

Арассыыйа Донецкай уонна Луганскай өрөспүүбүлүкэлэри тутулуга суохтарын билиммитин иһин, АХШ бэрэсидьиэнэ Джо Байден бэҕэһээ дойдубут утары саҥа санкцияларга илии баттаата. Бу дөкүмүөн этэринэн, АХШ олохтоохторо ДН уонна ЛН өрөспүүбүлүкэлэригэр саҥа инвестиция олохтуулларын бопто.

Маны таһынан, Донецкай уонна Луганскай өрөспүүбүлүкэлэргэ АХШ дойдуларыттан эгэлгэ табаардары, өҥөнү оҥоруулары уонна технологиялары экспорт, реэскпорт оҥорорго, аҕалан биэриини уонна атыылыыры боптулар.

Байден этэринэн, Арассыыйа ити өрөспүүбүлүкэлэри билинэн, Минскэй сөбүлэҥи түһэрсибит эбээһинэстэрин утары барбыт, маннык гынан Аан дойду уонна Украина бигэ туруктаах буолуутугар кутталы үөскэппит. Үрүҥ дьиэ тойоно Кэнгириэс лиидэрдэригэр анаммыт сурукка чопчулуурунан, Арассыыйа быһаарыммыт дьыалата АХШ национальнай куттала суох буолуутугар уонна тас бэлиитикэтигэр «кутталлаах буолбут».

Үрүҥ дьиэҕэ этэллэринэн, сотору АХШ Үпкэ министиэристибэтэ ЛНР уонна ДНР өрөспүүбүлүкэлэригэр гуманитарнай көмөнү оҥорор генеральнай лиссиэнсийэлэри суруйан таһаарыаҕа.

Тарҕат:

Санааҕын суруй