Айсен Николаев: Саха сиригэр социально-экономическай бигэ турук баар буолуутун ситиһиэхтээхпит

Өрөспүүбүлүкэбит Ил Дархана арҕаа дойдулар санкцияларын усулуобуйатыгар тустаах миэрэлэри ылыыны дьоһун суолталааҕынан аахта.

Олунньу 28 күнүгэр, Айсен Николаев бырабыыталыстыба салалтатын, Ил Дархан уонна бырабыыталыстыба дьаһалтатын мунньаҕар, эрэгийиэммитигэр арҕаа дойдулар санкцияларын усулуобуйатыгар социально-экономическай бигэ туруктаах буолууну харыстыыр иһин толору дьаһаллары ылыныы суолталаах диэн эттэ. Бу туһунан Ил Дархан уонна эрэгийиэн бырабыыталыстыбатын пресс-сулууспата иһитиннэрэр.

«Биһиги бүгүн адьас саҥа бэлитиичэскэй чахчылар кэмнэригэр олорорбутун чопчу өйдүөх тустаахпыт. Биһиги дойдубутун арҕаа уонна илин дойдулар өттүлэриттэн эрдэ буолбатах баттааһын бара турар, кытаанах санкция миэрэлэрэ киирэллэр. Биһиги маныаха бэлэм буолуохтаахпыт, онон, биһиги сорукпутунан, арҕааҥҥы санкциялар усулуобуйаларыгар Саха сиригэр социально-экономическай бигэ турук баар буолуутун ситиһиэхтээхпит. Биһиги билигин Украинаҕа денацификация уонна демилитаризация анал эпэрээссийэлэрин ыытар бэрэсэдьиэммитин уонна аармыйабытын өйүөх тустаахпыт. Бу боппуруоска биһиги ситиһиилэниэхпит диэн эрэнэбин», - диэн Ил Дархан эттэ.

Өрөспүүбүлүкэбит лиидэрэ чопчулуурунан, дойдубут бэрэсидьиэнэ бу кыһалҕаны быһаарыыга олус элбэҕи оҥорбут.

«Дьиҥинэн, биһиги дойдубутугар биир ирдэбил баар этэ – Украина НАТО састаабыгар киирбэтэ уонна нейтральнай дойду быһыытынан хаалыыта. Ол эрээри, Украинаҕа көстө сылдьар фашистскай идеология биир сүрүн идеология быһыытынан сылдьар кэмигэр, биһиги, XX үйэҕэ фашизмы утары баран, уонунан мөлүйүөн киһи өлүүлээх сэриигэ кыайыы иһин кимнээҕэр даҕаны сүүнэ элбэҕи уурбут дойду буоларбыт быһыытынан, ыаллыы дойду фашистскай дойдуга кубулуйуон баҕарбаппыт», - диэн өрөспүүбүлүкэ Ил Дархана бэлиэтээтэ.