Киир

Киир

Дойдубут бэрэсидьиэнэ Владимир Путин Франция бэрэсидьиэнэ Эммануэль Макронныын уонна Германия канцлера Олаф Шольцтыын төлөпүөнүнэн кэпсэппит. Бу туһунан бэрэсидьиэн пресс-сэкирэтээрэ Дмитрий Песков сонунугар сигэнэн, ТАСС судаарыстыбаннай информационнай эгиэнистибэтэ иһитиннэрэр.

Кириэмил бэрэстэбиитэлэ: «Украина туһунан ырытыстыбыт», - диэбит.

Күн иннигэр Путин төлөпүөнүнэн Шольцу кытта Украинаҕа буола турар быһыы-майгы туһунан ырытыспыт. Оттон Макронныын маннык тиэмэҕэ кулун тутар 6 күнүгэр кэпсэппит.

Путин Шольцтуун Донбасска буола турар анал байыаннай эпэрээссийэҕэ бэлитиичэскэй, дипломатическай сыраларын дьүүллэспиттэр уонна Арассыыйа дэлэгээссийэтэ Киев былааһын бэрэстэбиитэллэрин кытта үһүс төгүлүн көрсүһэн кэпсэтиилэрэ туох түмүктээх буолбутун туһунан кэпсэппиттэр.

Маны таһынан, Путин байыаннай дьайыылар буола турар оройуоннарыттан олохтоох дьону эвакуациялыырга гуманытаарынай көрүдүөрдэри тэрийии туһунан уонна нацистар бөлөхтөрө дьону куттала суохтук эвакуациялыырга мэһэй буола сылдьалларын туһунан Германия канцлерыгар сырдаппыт.

Путин Макроны кытта төлөпүөнүнэн кэпсэтиитигэр, Украина сиригэр-уотугар атомнай электростанциялар куттала суох буолууларын хааччыйыыны дьүүллэспиттэр, байыаннай дьайыылар буола турар оройуоннарыттан олохтоох дьон эвакуациятын уонна дэлэгээссийэлэр кэпсэтиилэрэ туох түмүккэ кэлбитин туһунан кэпсэппиттэр.

Тарҕат:

Сэҥээриилэр

Эркин
0 Эркин 11.03.2022 14:00
Дьаабы дьыала.
Ответить

Санааҕын суруй