Киир

Киир

Кулун тутар 29 күнүгэр Турция Стамбул куоратыгар осман султаннарын Долмабахче дыбарыаһыгар РФ уонна Украина дэлэгээссийэлэрэ иирсээни хайдах тохтотор туһунан төрдүс төгүлүн сирэй көрсөн кэпсэттилэр. Бу көрсүһүү Турция бэрэсидьиэнэ Реджеп Тайип Эрдоган өйөбүлүнэн тэрилиннэ.

РФ бэрэсидьиэнин көмөлөһөөччүтэ Владимир Мединскэй көрсүһүү түмүгүн билиһиннэрдэ: «Туһалаах кэпсэтии буолла. Украина дуогабар түһэрсэргэ сөптөөх чопчу этиилэри киллэрдэ. Бэрэсидьиэннэр сирэй көрсүһүүлэрэ МИД Эйэлэһии туһунан дуогабарга илии баттаабытын кэннэ буолар чинчилээх. Ол дуогабар түргэнник оҥоһулуннаҕына уонна компромисс олохтонноҕуна, эйэлэһиигэ киирии түргэн буолуо».

Оттон кэпсэтиигэ киирбит сүрүн этиилэр манныктар:

  • Украина Крымы уонна и Донбаһы күүс өттүнэн ылар санаатын тохтотор.
  • Арассыыйа Украина Евросойууска киирэрин утарбат.
  • Украина Арассыыйаны кытта дуогабарыгар бүтэһиктээх быһаарыыны дойду баһылыктарын көрсүһүүтүгэр ылынарга көрдөһөр.
  • Киев байыаннай сойуустарга киирбэппин диэн тылын биэрэр.

Сонун төрдө: Парламентская газета

Тарҕат:

Санааҕын суруй

Бүтэһик сонуннар

Полина Гагарина