Киир

Киир

Ытыктабыллаах тойоттор, үлэһиттэр уонна Саха Өрөспүүбүлүкэтин муниципальнай тэриллиилэрин дьокутааттара! Күндү муниципальнай сулууспа бэтэрээннэрэ!

Саха өрөспүүбүлүкэтин дьаһалтатын уонна тус бэйэм ааппыттан эһигини Олохтоох бэйэни салайыныы Күнүнэн эҕэрдэлиибин!

Олохтоох бэйэни салайыныы – норуокка ордук чугас былаас уоргана. Биһиги Арассыыйа Федерациятын муҥутуур улахан эрэгийиэнигэр олоробут. Манна нэһилиэк пууннара бэйэ-бэйэлэриттэн сүүстүү килэмиэтиринэн ыраах буолуохтарын сөп. Биһиэхэ дьон интэриэһигэр эппиэттиир кыахтаах олохтоох бэйэни салайыныы ураты систиэмэтэ үөскээбит.

Бүгүн, этииттэн саҕалаан ханнык эмит бырайыак олоххо киириитин хонтуруоллаһыныгар тиийэ, олохтоох үгүс боппуруос нэһилиэнньэ көмөтүнэн быһаарыллар кэмигэр, судаарыстыба сайдыытыгар олохтоох бэйэни салайыныы уорганнара сүҥкэн оруоллаахтар. Тоҕо диэтэргит, дьону долгутар боппуруостар, бастатан туран, муниципальнай тэриллиилэр тойонноругар уонна үлэһиттэригэр туһаайыллаллар. Уонна, бу боппуруостар төһө түргэнник быһаарыллалларыттан нэһилиэк, бөһүөлэк, куорат эрэ олоҕо буолбакка, олохтоох дьон былаас бүттүүнүн үлэтин туһунан санаата тутулуктаах.

Саха дьоно олохтоох бырайыактарга көхтөөхтүк кытталларын, үгүс боппуруоһу быһаарыыга этии киллэрэллэрин, тупсаран оҥоруу үлэтигэр сысталларын уонна бэйэлэрин былаастарыгар көмөлөһөллөрүн көрөн, олохтоох бэйэни салайыныы үлэтин дьүүллүөххэ сөп.

Ааспыт сылга тыа баһаардарын кытта охсуһууга норуот көмөтө сүҥкэн этэ. Баҕа өттүнэн үгүс дьон олохтоох салайыныы уорганнарын кытта уоттан нэһилиэк пууннарын көмүскээн, баһаары кытта охсуһууга туруммуттара.

2022 с. балаҕан ыйыгар, хамсыктан сылтаан уһун тохтобул кэнниттэн, биһиги IX Муниципальнай тэриллиилэр Сийиэстэрин ыытарга былаанныыбыт. Манна Саха сирин муниципальнай тэриллииллэрин сытыы боппуруостарын тула ырытыһыы буолуоҕа. Нэһилиэнньэлээх пууннар сайдыылара олохтоох бэйэни салайыныыны кытта быһаччы сибээстээх – дьиэлэри, социальнай эбийиэктэри тутуу, тыа хаһаайыстыбата, урбаан, олохтоох оҥорон таһаарыы уонна даҕаны атын олох-дьаһах көстүүтэ.

Ытыктабыллаах өрөспүүбүлүкэ олохтоох бэйэни салайыныытын үлэһиттэрэ! Эһиги бэйэҕит сиргитигэр-уоккутугар былаас сирэйинэн буолаҕыт! Эһиги үлэҕит хас биирдии Саха сирин олохтооҕун күннээҕи олоҕун хаачыстыбатын быһаарар, эһиги идэҕит үрдүк таһымыттан уонна өрөспүүбүлүкэ сайдыытыгар истиҥ сыһыаҥҥытыттан Сахабыт сирин уонна бүтүн дойдубут сайдыыта тутулуктаах. Баҕарабын эһиэхэ кытаанах доруобуйаны, саҥа бырагырааммалары уонна бырайыактары олоххо киллэрэргэ ситиһиилэри, бары үтүөнү, эйэни уонна этэҥҥэ буолууну!

Саха Өрөспүүбүлүкэтин Ил Дархана Айсен Сергеевич НИКОЛАЕВ

Тарҕат:

Санааҕын суруй