Киир

Киир

Арассыыйа Федерациятын бэрэсидьиэнэ Владимир Путин Украинаҕа денацификация уонна денационализация соруктаах анал байыаннай эпэрээссийэни саҕалаабыт сыала-соруга толору ситиһиллиэхтээх. Бу туһунан Саха сирин суруналыыстарын кытта көрсүһүүгэ Судаарыстыбыннай Дуума дьокутаата Сергей Миронов эттэ.

«Бэрэсидьиэн Украинаҕа демилитаризация и денационализация соругун туруорбута толору туолуохтаах. Онуоха, эһиги анал байыаннай эпэрээссийэ саҕаланыан иннинэ Украина сэриитин күүһүгэр төһө таанка, сөмөлүөт, артиллерия уо.д.а. баарын туһунан дааннайдары көтөхтөххүтүнэ, маны барытын НАТО сэптээбитин-сэбиргэллээбитин өйдүөххүт. Денационализация туһунан этэр буоллахха, мин эми баартыйа атын чилиэннэрин курдук бэйэм санаабын этинэбин. Зеленскэй режимэ дьайарын тухары, бу боппуруос быһаарыллыа суоҕа. Хааннаах-сииннээх клоун Зеленскэйи Одессаҕа профсоюзтар Дьиэлэрин иннигэр сууттуохха наада», - диэн Сергей Миронов этэр.

Судаарыстыбаннай Дуума дьокутаата этэринэн,  «Справедливая Россия – За правду» фракция өссө 2014 сыллаахха ДНР уонна ЛНР билиммитэ.

«ЛДНР олохтоохторо Арассыыйа састаабыгар уобалас быһыытынан ааттаныахтарын баҕарбаттара интэриэһиргэтэр. Бу кинилэр Украинаҕа маннык ааттаахтарын санатар. Оттон биһиэхэ өрөспүүбүлүкэлэр бааллар дии, холобура, бу Саха сирин өрөспүүбүлүкэтэ. Онон, биһиги бу боппуруоһу быһаарыахпыт. Ол эрээри, референдум иннигэр биһиги төһө кыалларынан кыраныыссаны сыҕарытыахтаахпыт», - диэн кини этэр.

 

Тарҕат:

Санааҕын суруй

Бүтэһик сонуннар