Киир

Киир

 «Өскөтүн Косово хоту өттүн бигэ туруга урусхалланар кутталлаах буоллаҕына, НАТО KFOR миссията кыттыһар санаалаах. Маныаха, ООН мандаатын сөп түбэһиитигэр олоҕуран, ханнык баҕарар түгэҥҥэ Косовоҕа куттала суох уонна чуумпу эйгэ олохтонорун туһугар бары миэрэлэр ылыныллыахтара», — диэн Twitter-гэ баар сайабылыанньаҕа суруллубут. KFOR бэлиэтээн эппитинэн, бары быһыыны-майгыны болҕойон көрөр-истэр, оттон НАТО миссиятын салайааччыта бары өрүттэри кытта билсэ сылдьар эбит.

Санатан эттэххэ, Kosovo Force (KFOR) эбэтэр «Косовоҕа анаммыт күүстэр» (СДК) — НАТО салайан илдьэ сылдьар норуоттар икки ардыларынааҕы миссията. Бу хамсааһын быстах чаастара билиммит өрөспүүбүлүкэ этэҥҥэ буолуутугар эппиэттиир, 1999 сыллаахтан үлэлиир.

Косовоҕа буола турар быһыы-майгы атырдьах ыйын 1 күнүгэр, Сербияҕа бэриллибит Косово хоту өттүгэр олорор сербтэргэ массыына нүөмэрдэрин уонна тус докумуоннары уларытар Приштина быһаарыыта олохтоммутун түмүгэр, сытыырхайан биэрдэ. От ыйын 31 күнүгэр киэһэ эстэриилэр уонна ытыалаһыылар тыастара иһиллибиттэрэ. СМИ иһитиннэрэринэн, Сербия аармыйата байыаннай бэлэмэ үрдээбит, оттон Косово серб омук нэһилиэнньэтэ баррикадалары оҥортуур, оттон косовскай спецназ кыраныыссалары сабар. Дьэ диэтэҕиҥ. Аан Дойдубут атыйахтаах уу курдук айманан эрэр быһыылаах.

Леонид Уварчев суруйуутуттан

источник: Коммерсантъ

Тарҕат:

Санааҕын суруй

Бүтэһик сонуннар

Полина Гагарина