АХШ урукку бэрэсидьиэнэ Дональд Трамп Владимир Зеленскэй Владимир Путин этиитигэр сөбүлэҥин биэрэн баран, НАТО-ҕа киирэриттэн батыныахтаах этэ диэн этэр. Кини бу туһунан этиитин The Clay Travis & Buck Sexton Show диэн эфиргэ иһитиннэрбит.
«Кинилэр НАТО-ны кытта боппуруоһу хайдах эмит гынан быһааран баран, альянска киирэр санаалара суоҕун туһунан этиэхтээх этилэр. Оччоҕуна кинилэр дойдулара этэҥҥэ буолуо этэ, тоҕо диэтэр, Путин дуогабардаһар санаалаах этэ», - диэн АХШ Үрүҥ дьиэтин экс-тойоно бэлиэтээн эппит.
Трамп санаатынан, билиҥҥи кэмҥэ бэйэ икки ардыгар туох эмит сөбүлэҥи түһэрии быдан уустуктардаах, ол эрээри, оннук дьаһалы ылынар сорунуулартан батыммат ордук.
Санатар буоллахха, Арассыыйа олунньу 24 күнүттэн Украинаҕа денацификация уонна демилитаризация соруктардаах анал байыаннай эпэрээссийэни ыытар. Владимир Путин бэлиэтээн эппитинэн, бу маннык дьаһаныы аҕыс сыл тухары киевскэй эрэсиим атаҕастабылыттан уонна нуучча дьонун утары өрө турууларыттан эмсэҕэлээбит Украина олохтоохторун, чуолаан ЛНР уонна ДНР дьонун-сэргэтин харыстыыр сыалтан-соруктан олоххо киирбитэ.
Билигин сойуустар күүстэрэ ДНР бары сирин-уотун, маны сэргэ Волновах, Святогорск уонна Мариуполь куораттарын хонтуруоллууллар. Оттон от ыйын маҥнайгы күннэригэр Лисичанскайы уонна тулалыыр нэһилиэктэри «ылан» баран, ЛНР толору босхолоотулар.
Ол эрээри, хомойуох иһин арҕаа дойдулар Украинаҕа сэрии сэбин-сэбиргэлин биэрэллэрин тохтоппоттор. АХШ бэрэсидьиэнэ Джо Байден Киевкэ көмө диэн миллиардынан доллары ыыта олорор. Оттон Москва буоллаҕына, кинилэр маннык гынаннар конфлигы уһаталлар диэн суоһурҕанар.
Даҕатан этэр буоллахха, Киев «переговор» олохтонуутун сабатаастыыр. Тас дойдуларга дьыала миниистирэ Сергей Лавров бэлиэтээн эппитинэн, Украина бэйэтин этиилэриттэн аккаастанар уонна араас провокациялары олохтуур эбит. Кинилэргэ Арҕааҥҥы дойдулар наһаа күүскэ дьайаллар, эбиитин «Арассыыйаны сэрии хонуутугар кыайыахха» диэн ыҥырыы этиилэринэн кигэн биэрэллэр эбит. Лавров этэринэн, маннык усулуобуйаҕа «переговор» олохтонуута кыаллыбат туруктаах, ол эрээри, Москва хаһан даҕаны маннык кэпсэтииттэн батымматаҕа.
Источник: https://ria.ru/
