Киир

Киир

Арассыыйа премьер-миниистирэ Михаил Мишустин бүгүн бэнидьиэнньиккэ Дьокуускайга кэллэ. Кини тыа баһаарыттан уонна уу кэлиититтэн тахсыбыт хоромньулар тула мунньаҕы ыытыахтаах.

Маны сэргэ, премьер-миниистир «Якутск» IT пааркаҕа сылдьыаҕа, резиденнэрин бырайыактарын көрүөҕэ-истиэҕэ уонна СӨ Ил Дарханын Айсен Николаевы кытта көрсүһүүгэ сылдьыаҕа.

Кини манна Горно-Алтайскайтан кэлбит, биллэринэн, онно бээтинсэҕэ дойду туристическай салаатын сайыннарыыга мунньаҕы ыыппыт. Салгыы, Алтайга уонна атын Арассыыйа эрэгийиэннэригэр туризм сайдыытыгар анаммыт бырайыактары кытта билсибит.

Бу мунньах миэстэтин мээнэҕэ талбатахтара. Саха сиригэр быйыл тыа баһаардара уонна уу кэлиилэрэ олохтоохтору аймаатылар. Онон, ити кыһалҕалар тула кэпсэтии буолуоҕа.

Маны сэргэ, бырабыыталыстыба бэрэссэдээтэлин солбуйааччы – Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев, гражданскай оборуона, ыксаллаах быһыы-майгы уонна айылҕа быһылааннарын туоратыы дьыалаларын миниистирэ Александр Куренков, айылҕа ресурстарын уонна экология миниистирэ Александр Козлов, тутуу уонна олох-дьаһах коммунальнай хаһаайыстыбатын миниистирэ Ирек Файзуллин, Уһук Илин уонна Арктика сайдыытын миниистирэ Алексей Чекунков бүгүн өрөспүүбүлүкэҕэ үлэлиэхтэрэ.

Тарҕат:

Санааҕын суруй

Бүтэһик сонуннар