Киир

Киир

Арассыыйа Кытайдыын байыаннай дьыалаҕа ситимнэспиттэрин уонна бииргэ үөрэх ыытар буолбуттарыттан, АХШ уонна Евросойуус куттанан эрэллэр. Бу туһунан Германиятааҕы Der Tagsspiepel хаһыат суруйар.

Манна сурулларынан, икки улахан дойду бэйэ-бэйэлэрин кытта доҕордуу сыһыаны олохтоон, буолаары буолан байыаннай үөрэх ыыппыттарыттан арҕааҥы дойдулар куттана санаатылар.

«Өскөтүн Кытай уонна Арассыыйа бэйэлэрин икки ардыгар сойуус олохтоотохторуна, бу геостратегическай ыҥырыынан буолуоҕа», - диэн Лондоҥҥа баар Дьобуруопатааҕы норуоттар икки ардыларынааҕы сыһыаҥҥа куттала суох буолуу эспиэрэ Ульрике Франке суоһурҕанар.

Кини этиитигэр Меркатор Пуондатын Кытайы үөрэтэр Институтуттан Елена Легарада сөбүлэһэр.

«Кытай уонна Арассыыйа сыһыаннара – арҕааҥҥы дойдуларга ыҥырыы. Кытай уонна Арассыыйа биир сүбэнэн бэйэлэрин позицияларын күүһүрдэллэр уонна глобальнай уларытыы идиэйэтин тарҕаталлар», - диэн бэйэтин санаатын политолог этэр.

Маннык курдук санааны Немецкэй уопсастыба Арассыыйаҕа сыһыаннаах тас бэлиитикэтин эспиэрэ Штефан Майстер тутуһар.

Кини: «Кытай уонна Арассыыйа бииргэ аан дойдутааҕы бэрээдэккэ ыҥырыы быраҕаллар, манна биир сүрүн күүс АХШ этэ», - диир эспиэр.

Билимҥэ уонна бэлиитикэҕэ пуонда байыаннай эспиэрэ Вольфанг Рихтер: «Кытай уонна Арассыыйа икки ардыгар формальнай байыаннай альянс суох, кинилэр АХШ-ны уонна кинилэр норуоттар икки ардыларыгар бииргэ сойуустаһар дойдулары баһыйар соруктаахтар», - диир.

«Илин-2022» (Восток-2022) стратегическэй үөрэтиилэр балаҕан ыйын 14 күнүттэн 7-р диэри Илиннээҕи байыаннай уокурук сэттэ полигонугар ыытыллыахтара. Манна 5 тыһыынчаттан тахса сэрии сэбэ уонна тиэхиникэтэ баар буолуоҕа, 50 тыһыынчаттан тахса киһи кыттыыны ылыаҕа. Маны сэргэ, 140 көтөр аппарат, 60 байыаннай хараабыл, катердар уонна ааллар кыттыахтара.

Арассыыйа байыаннай күүстэриттэн үөрэтиилэргэ байыаннай дьаһалта уорганнара, ВВО сэриилэрэ, Салгыҥҥа көтөр десантнай сэриилэр, ыраах уонна байыаннай-транспортнай авиация сорох чаастара кыттыыны ылыахтара. Байыаннай үөрэҕи бииргэ ыытыыны дьаһайар суһал бөлөхтөр, байыаннай кэнтингиэннэр, ОКДБ, ШОС уонна атын бииргэ үлэлэһэр судаарыстыбалар, ол быыһыгар, Азербайджан, Алжир, Армения, Белоруссия, Индия, Казахстан, Киргизия, Кытай, Лаос, Монголия, Нигакарагуа, Сирия уонна Таджикистан дойдуларын кэтээн көрөөччүлэрэ кыттыахтара.

«РИА Новости» саайтан сонун

Тарҕат:

Санааҕын суруй