«I Speak English» (салгыы – ISE) быйыл үлэлээбитэ номнуо 12 сыла буолар.
Бу кэм устата оскуола омук тылын үөрэтэргэ эрэ буолбакка, үүнэр көлүөнэ тылга дьоҕурун сайыннарарга, омук тылыгар интэриэһи үөскэтэргэ сүҥкэн болҕомтону уурар. Ол курдук, сыллата оҕолорго араас таһымнаах тэрээһиннэри, куонкурустары ыытар. Олортон саамай боччумнаах тэрээһин – 2016 сылтан 2020 сылга диэри Дьокуускай куорат 3–8-с кылаастарын үөрэнээччилэригэр анаан куораттааҕы олимпиадалары көдьүүстээхтик ыытыы. Бу олимпиадаларга сүүһүнэн оҕо кыаҕын холонон көрбүтэ.
2021 сыллаахха ISE СӨ Үөрэҕириигэ уонна наукаҕа министиэристибэтин өйөбүлүнэн үгэс буолбут олимпиадатын өрөспүүбүлүкэ таһымыгар ыыппыта. Бүтүн өрөспүүбүлүкэттэн 6–11-с кылаас үөрэнээччилэрэ, уопсайа 1158 оҕо, кыттыбыта. Бу олимпиаданы тыл оскуолата күн бүгүҥҥэ диэри тэрийэр. Маны таһынан быйыл өрөспүүбүлүкэтээҕи омук тылын IV тэйиччиттэн олимпиадата түмүктэннэ. Бу тэрээһиҥҥэ Саха сирин 30 улууһуттан 5–11-с кылаас үөрэнээччилэрэ кытыннылар. Эһиилги үөрэх дьылыгар бу олимпиаданы Арассыыйа Федерациятын Наукаҕа уонна үрдүк үөрэхтээһиҥҥэ министиэристибэтин оскуола оҕолоругар аналлаах олимпиадаларыгар киллэрэргэ туруорса сылдьаллар. Маны таһынан ISE М.К. Аммосов аатынан Хотугулуу-Илиҥҥи федеральнай университеты кытта ыкса үлэлэһэр. 2020 сылтан устудьуоннарга аналлаах Арассыыйатааҕы онлайн-олимпиаданы оҥороллор. Быйылгыттан олимпиадаҕа орто уопсай үөрэхтээһин устудьуоннара кытталлар.
Оскуола үөрэнээччилэригэр бэс ыйыгар ISE Digital диэн сайыҥҥы оскуола үлэтин саҕалыахтаах. Аныгы үйэ сиэринэн, информация, көмпүүтэр аныгы технологияларыгар, омук тылыгар үөрэтии буолуоҕа. Оҕолорго олус интэриэһинэй, толору ис хоһоонноох бырагыраама бэлэмнэнэр.
Сиһилии +79247659041 нүөмэргэ эрийэн, суруйан билсиҥ.
*Төлөбүрдээх матырыйаал
