2026-2027 үөрэх дьылыгар оҕолору бастакы кылааска суруттарыы Арассыыйа үрдүнэн муус устар 1 күнүттэн саҕаламмыта. СӨ Үөрэҕин уонна наукатын миниистирин бастакы солбуйааччыта Ньургун Павлов этэринэн, бу үлэ былаан быһыытынан бара турар уонна бары оскуолалары хабар.
Суруттарыы икки түһүмэҕинэн ыытыллар:
1. Бастакы түһүмэх: муус устар 1 күнүттэн бэс ыйын 30 күнүгэр диэри. Бу кэмҥэ оскуолаттан чугас олорор дьиэ кэргэн оҕолоро, ону таһынан бастакы, ураты бырааптаах оҕолор сайабылыанньалара хомуллар.
2. Иккис түһүмэх: от ыйын 6 күнүттэн балаҕан ыйын 1 күнүгэр диэри. Бу кэмҥэ төрөппүттэр оҕолорун ханнык баҕарар оскуолаҕа, босхо миэстэ баар буоллаҕына, суруттарыахтарын сөп. Ханна олороргуттан тутулуга суох.
Ураты бырааптаах дьон: Мунньахха АБДь кыттыылаахтарын уонна силовой структура үлэһиттэрин оҕолоро бастакы уочаракка туралларын тоһоҕолоон бэлиэтээтилэр. Сүрүн ирдэбил — оҕо олорор сиригэр пропискалаах уонна оскуолаҕа сыһыарыллыбыт буолуохтаах
Саҥа үөрэх дьылыгар: Өрөспүүбүлүкэҕэ 564 оскуола бастакы кылааска оҕолору ылыаҕа. Саҥа үөрэх дьылыгар 15,6 тыһыынчаттан тахса оҕо бастакы кылааска үөрэнэ киириэ диэн күүтэллэр. Ону таһынан, АБДь кыттыылаахтарын оҕолоро оскуолаҕа киирэллэрин улахан хонтуруолга ылбыттар. Дьокуускайга 300-тэн тахса, өрөспүүбүлүкэҕэ 480-тан тахса АБДь кыттыылаахтарын оҕолоро оскуолаҕа киириэҕэ диэн былаанныыллар.
Оскуолаҕа суруттарыы Госуслуги портал нөҥүө ыытыллар. АБДь кыттыылаахтарын дьиэ кэргэннэригэр, оҕолорун пропискаларынан чугас оскуолаҕа көһөрөр ураты быраап бэриллэр.
Бэй.кэр.
Хаартыска: Дьокууйскай куорат мэрия пресс-сулууспата
