Киир

Киир

«Чолбон» бассейнҥа Саха Өрөспүүбүлүкэтин харбааһыҥҥа чөмпүйэнээтэ уонна бастыыр иһин күрэхтэһии саҕаланна. Маны кытта, Арассыыйа успуордун маастарын, Владивостокка буолбут «Азия оҕолоро» VII-с Норуоттар икки ардыларынааҕы спортивнай оонньууларын боруонсаҕа призера Владислав Адаськону чиэстээһин буолла.

WhatsApp Image 2022 10 05 at 11.13.55

Күрэхтэһиилэр алтынньы 5 күнүттэн 7 күнүгэр диэри ыытыллаллар. Саҥа дьыл кэмин дьоһун күрэхтэһиитигэр 64 харбааччы кыттар. Кыттааччылар быыстарыгар Владислав Адасько бэйэтэ уонна даҕаны атын успуорт маастардара бааллар.

Бастыыр иһин күрэхтэһиигэ кыттааччылар төрөөбүт сыллара: эдэр уолаттарга – 2006-2007 с.т., кыргыттаргар – 2008-2009 с.т., юниордар – 2004-2005 с.т. уонна юниоркалар – 2005-2007 с.т.

Өрөспүүбүлүкэ чөмпүйэнээтин мэтээлин иһин кыттааччы спорстменнар төрөөбүт сыллара: дьахталлар – 2009 с.т. уонна аҕа саастаахтар, эр дьон – 2007 с.т уонна аҕа саастаахтар.

WhatsApp Image 2022 10 05 at 11.13.54

«Бу күрэхтэһиилэр алтынньы 25-28 күннэригэр Южно-Сахалинск куоракка ыытыллыахтаахтар. Уһук Илиннээҕи федеральнай уокурук харбааһыҥҥа бастыыр иһин күрэҕэр кыттар спорстменнары талыы быһыытынан ыытыллаллар. Бу күрэхтэһиилэргэ саастарынан үс бөлөх баар: юношескай, юниорскай уонна сааһыттан тутулуга суох уопсай абсолютнай бөлөх», - диэн харбааһыҥҥа сүрүн судьуйа уонна үрдүк категориялаах тириэньэр Олег Лапшин кэпсиир.

WhatsApp Image 2022 10 05 at 11.13.56

«Мин Дьокуускай куорат спортивнай оскуолатыгар дьарыктанабын. 10-с кылааска үөрэнэбин. Бүгүн миэхэ «Арассыыйа успуордун маастара» диэн ааты иҥэрдилэр. Мин бу түгэни кулун тутартан быһа кэтэстим. Билигин күрэхтэһиилэргэ кыттыаҕым, оттон салгыы биһигини Уһук Илиннээҕи федеральнай уокурук күрэхтэһиилэрэ күүтэллэр. Онуоха диэри ыйтан кыра эрэ болдьох хаалла, онон, наһаа долгутуулаах. Бүгүн мин 200 миэтэрэҕэ брасс ньыманан уонна 1500 миэтэрэҕэ көҥүл истиилгэ харбыаҕым», - диэн Арассыыйа успуордун маастара Владислав Адасько санаатын үллэстэр.

WhatsApp Image 2022 10 05 at 11.13.56 1

Диана Александрова суруйуутуттан тылбаас, ааптар хаартыскалара

Тарҕат:

Санааҕын суруй