Дуобат – киһи аймах духовнай олоҕун кытта ыкса сибээстээх, көлүөнэттэн көлүөнэҕэ салгыы үөрэтиллэ, тупсарылла, сайыннарылла турар уустук оонньуу. Бу оҕону киһи быһыытынан, үтүө киһи буолар сиэр-майгы хаачыстыбаларын иҥэрэргэ дьоһуннаах иитии ньыматынан буолар.
Ахсынньы 3-4 күннэригэр Сунтаар улууһун Бордоҥ нэһилиэгэр Дуобакка ССРС успуордун маастара Петров Виктор Николаевич аатын үйэтитэр өрөспүүбүлүкэтээҕи турнирга 120 дуобатчыт, ол иһигэр 1 аан дойду таһымнаах гроссмейстер, 3 маастар, 20 маастарга хандьыдаат, элбэх бастакы разрядтаах дуобатчыт уон улуустан Виктор Николаевич үрдүк аатын ааттаан муһуннулар.
Ньурбаттан Виктор Николаевич иитиллээччитэ, аан дойду таһымнаах гроссмейстер, Арассыыйа чөмпүйүөнэ, Европа, Аан дойду чөмпүйэнээттэрин кыайыылааҕа Иван Августович Токусаров; Намтан нуучча уонна сүүс харахтаах дуобакка успуорт маастара, өрөспүүбүлүкэ чөмпүйүөнэ, Европа, Аан дойду ветераннарга чөмпүйэнээттэрин кыайыылааҕа, призера, Арассыыйа тыа сирин дьахталларын үһүс бэстибээлин чөмпүйүөнэ Розалия Николаевна Егорова; Тааттаттан (Таатта Автодор) успуорт маастара, өрөспүүбүлүкэ күрэхтэһиилэрин чөмпүйүөнэ, призера, 2018 сылга Аан дойду бэтэрээннэрин чөмпүйэнээтин иккис призера, 2019 сыллаах Аан дойду бэтэрээннэрин чөмпүйэнээтин кыайыылааҕа Иван Иванович Щукин; Уус Алдантан марафонец, дуобакка успуорт маастара, Арассыыйаҕа тыа сирин успуорт оонньууларын кыайыылааҕа Петр Иванович Окоемов; Уус Алдантан дуобакка маастарга кандидат, сүүс харахтаах дуобакка бастакы лигаҕа республика чемпиона Степан Ильич Румянцев; Мэҥэ Хаҥаластан дуобакка маастарга кандидат, республика күрэхтэһиилэрин чемпиона, призера Виталий Иванович Аммосов кыттыыны ыллылар.
Көрөн олорон киһи үөрэр, үчүгэй партиялара оонньоннулар, бүтэһик турга диэри ким бастыыра биллибэт тыҥааһыннаах күрэхтэһии буолла. Манна элбэх оҕо кэлэн кыттыыны ылбыта ордук үөрүүлээх. Маны таһынан Гроссмейстер Иван Августович күрэхтэһии кыттыылаахтарыгар сеанс биэрдэ. Гроссмейстеры кытта уһуннук оонньообут оҕолор гроссмейстер илиититтэн бириистэри туттулар.
Чөмпүйүөннэр, призердар
Эр дьоҥҥо:
1м. Токусаров Иван мгр /Дьокуускай/
2м. Березкин Нюргун кмс /Ньурба/
3м. Румянцев Степан кмс /Уус Алдан/
Дьахталларга:
1 м. Терентьева Сардаана кмс /Үөһээ Бүлүү/
2 м. Старостина Марина кмс /Бордоҥ/
3 м. Захарова Мария кмс /Мииринэй/
Бэтэрээннэргэ:
1 м. Щукин Иван мс / Таатта АВТОДОР/
2 м. Окоемов Петр мс /Уус Алдан/
3 м. Аммосов Виталий кмс /Мэҥэ Хаҥалас/
1 м. Егорова Розалия мс /Нам/
2 м. Кондакова Прасковья 1р /Мииринэй/
3 м. Николаева Пелагея 1р /Сунтаар/
Оскуола оҕолоругар:
1-4 кылаастарга
1 м. Струхин Арсен /Ньурба/
2 м. Уаров Тимур /Сунтаар/
3 м. Григорьев Күндүмэн/Сунтаар/
1 м. Семенова Каролина /Сунтаар/
2 м. Иванова Камилла /Ньурба/
3 м. Попова Настя /Сунтаар/
5-11 кылаастарга
1м. Семенов Владимир/Сунтаар/
2 м. Алексеев Альберт/Ньурба/
3 м. Кириллин Тимур/Ньурба/
1 м. Васильева Ирина/Үөһээ Бүлүү/
2 м. Терентьева Люция/Үөһээ Бүлүү/
3 м. Ефремова Камилла/Сунтаар/
Бастаабыттарга убаһа, телевизор, онтон да атын элбэх сыаналаах бириистэр ананнылар. 60-ча күрэхтэһээччи бириис тутан үөрэн-көтөн тарҕастылар. Сүрүн спонсор Виктор Николаевич уола Николай Викторович Петров буолла. Күрэхтэһээччилэр ааттарыттан тэрийээччилэргэ, Николай Викторовичка, Петровтар аймахтарыгар истиҥ махталбытын тиэрдэбит.
Күрэхтэһии судьуйата Альбина Николаева
