Владимир куоракка мөлтөхтүк истэр спортсменнар икки ардыларыгар көҥүл тустууга Арассыыйа чемпионата түмүктэннэ. Манна Василий Стручков тириэньэрдээх Саха сирин хамаандата 5 мэтээли ылла (1 кыһыл көмүс, 1 үрүҥ көмүс уонна 3 боруонса). Тустууктарга “ыалдьа” тустуу федерациятын бэрэсидьиэнэ Семен Березин тиийэ сылдьыбыт. Дойду таһымнаах күрэхтэһиигэ тустуу федерациятын толорооччу дириэктэрэ, норуоттар икки ардыларынааҕы кылаастаах Николай Николаев судьуйалаата.
Кыһыл көмүс мэтээли былырыыҥҥы Сурдолимпийскай Оонньуулар кыайыылааҕа Василий Стручков (70 кг) эрэлээхтик ылла. Кини бастаан 10:0 ахсаанынан Дагестан бөҕөһүн Хасим Абдумасатовы кыайда. Ол кэннэ ингущ бөҕөһүн Расул Танкиевы эмиэ 10ө0 ахсаанынан кыайда. Полуфиналга Василий Кабардина-Балкарияттан сылдьар Расул Танкиевы туше быраҕан кыайда. Финалга утарылаүааччыта Ингушетияттан Зураб Цецоев доруобуйатынан кыайан көбүөргэ тахсыбата. Василий Стрекаловскай бу кыайыытын “төрөппүттэригэр, тириэньэригэр, дьиэ кэргэнигэр уонна киниэхэ эрэммит саха дьонугар” анаата.
Үрүҥ көмүһү Васлий Чемпосов (65 кг), боруонсаны Егор Скрябин (57 кг) уонна Андриян Ильин (70 кг).
Уопсай хамаанданан түмүккэ Саха сирин хамаандата үһүс буолла. Бастакы – Дагестан, иккис – Хотугу Осетия – Алания.
