Пхенчхааннааҕы Олимпиадаҕа Арассыыйа олимпийскай атлеттарын хамаандатыгар бастакы кыһыл көмүс мэтээли 15 саастаах фигурнай хаҥкыһыт Алина Загитова аҕалла.
Үрүҥ көмүс мэтээли Евгения Медведева ылла.
Загитова уопсайа кылгас уонна көҥүл бырагырааматыгар Медведеваны 1,31 б. куоһаран 239,57 б. ылла. Икки күүстээх фигуристар көҥүл бырагыраамаларыгар тэҥ баалы ыллылар – 156,65.
Боруонсаны Канада спортсмена Кейтлин Осмонд ылла (231,02).
