Волонтердар атын омук тылынан холкутук саҥараллар. Онон үгүстэрэ тас дойдулартан кэлбит делегацияларга тылбаасчытынан, атташенан үлэлиэхтэрэ.
Волонтердар Сахалиннааҕы судаарыстыбаннай университет уопсайыгар олороллор. Бары биир формалаахтар. Сорохтор волонтерунан үлэлии сылдьыбыт үөрүйэхтээхтэр. Саамай аҕалара 62 саастаах Мария Емельянова. Кини “Арассыыйа саллааттарын ийэлэрин кэмитиэтэ” бүтүн Арассыыйатааҕы уопсастыбаннай түмсүү Саха сиринээҕи салаатын бэрэссэдээтэлэ. “Азия оҕолоро” оонньууларга номнуо үсүһүн кыттыыны ылар. Сахалиҥҥа хоккейга Ураллааҕы федеральнай уокурук делегациятын атташета. Оттон саамай эдэрдэрэ 16 саастаах Дьокуускайдааҕы националнай гимназия үөрэнээччитэ Амелия Чугунова.
