ССРС үтүөлээх тренера Дмитрий Коркин сырдык кэриэһигэр анаммыт көҥүл тустууга норуоттар икки ардыларынааҕы турнир Дьокуускайга "Өрөгөй" успуорт киинигэр алтынньы 14-17 күннэригэр буолуоҕа.
Турнир саханы аар-саарга аатырдыбыт бөҕөстҕрбүт: Павел Пинигин, Роман Дмитриев уонна Александр Иванов Олимпиадаҕа чаҕылхай кыайыыларын 45 сылыгар ананыаҕа. Турнир бирииһин пуондата 80 тыһ. солк. дуоллар. Кыайыылаахтар 3-түү тыһ. дуоллары, финалистар - иккилии, боруонса мэтээл хаһаайыннара 1-дии тыһыынча дуоллары ылыахтара. Маннык наҕарааданы чөмпүйүөннэр тренердэрэ ылыахтара.
