Эһиил Пекиҥҥэ ыытыллыахтаах кыһыҥҥы Олимпиада тас дойдуттан көрөөччүтэ суох ыытыллыаҕа. Билиэттэри Кытай материгын чааһыгар олорор эрэ дьонугар атыылыахтара.
Бу туһунан Olympics официальнай саайтыгар суруллар. Кытай материгын чааһыгар олорор дьоҥҥо, күрэхтэһиилэри көрө киирэллэригэр ханнык ирдэбиллэр туруохтарын билигин быһаара сылдьаллар.
Быһыыны ылбатах спортсменнар хайаан даҕаны 21 күннээх харантыыҥҥа олоруохтара. Маны таһынан, кыттааччылар уонна Олимпиадаҕа үлэлиир дьон күн ахсын анаалыс туттарыахтара.
