Киир

Киир

Өрөспүүбүлүкэ вице-премьерэ Сергей Местников көҥүл тустууга аан дойду чемпионатыгар боруонса мэтээли ылбыт  Арыйаан Тюриҥҥа 400 тыһ. солк. туттарда диэн Ил Дархан уонна бырабыыталыстыба дьаһалтатын пресс-сулууспата иһитиннэрдэ.

Сергей Местников "көҥүл тустуу саха саамай таптыыр көрүҥэ. Биһиги тустуу хапсыһыыларын кэтээн көрөбүт, бөҕөстөрбүтүгэр ыалдьабыт, сахалар оҕо эрдэхтэриттэн бу көрүҥү талан дьарыктаналлар. Онон Арыйаан аан дойду чемпионатыгар ситиһиитэ биһигини үөрдүбэт буолуон сатаммат" диэтэ. Арыйаан Тютрин салгыы Парижка 2024 сылга ыытыллар Олимпиадаҕа кыттарга киирсиэҕэ.

Сергей Местников  Саха сирин салалтатын аатыттан 400 тыһ. солк. туттарда, оттон кини тириэньэригэр Иван Дмитриевка - 200 тыһ. солк.

Арыйаан Тютрин — Арассыыйа чемпинатын 3 төгүллээх боруонса призера, Аан дойду Кубогын хаһаайына, Арассыыйа сүүмэрдэммит хамаандатыгар киирсэн хаста да норуоттар икки ардыларынааҕы турнирдарга кыайталаабыта. 2021 сылтан ыла кини Белоруссия сүүмэрдэмит хамаандатыгар киирсэн кыттар уонна бу дойду чемпионатыгар кыһыл көмүс мэтээли ылбыта. 

 

Тарҕат:

Санааҕын суруй

Бүтэһик сонуннар