Киир

Киир

Ааспыт нэдиэлэттэн Чокурдаахха, уруккута оройуоннааҕы атыы-эргиэн ыскылаатыгар, аныгылыы моһуоннаах хаҥкылыыр каток үлэтин саҕалаабыт.

Саҥа, доруобуйаны тупсарар аналлаах, физкультура комплекса эрдэттэн тренажернайдаах эбит. Оттон билигин хаҥкылыыр катоктанна, бу олохтоохторго үтүө бэлэх буолла.

каток

Бу туһунан улуус баһылыга Яков Елисеев маннык кэпсиир: "Эрдэ 2011 сыллаахха, оччотооҕу СӨ бэрэсидьиэнэ Вячеслав Анатольевич Штыров, кыһыҥҥы успуорт көрүҥнэрэ сайдалларыгар анаан, улууска хоккей коруопкатын бэлэхтээбитэ. 2019 сыллаахха, СӨ успуорка Министиэристибэтигэр уулуссаҕа туруорарга успуорт инвентаардарын ылар туһугар, куонкуруска сайаапка түһэрбиппит. Түмүккэ, биһиги бу куонкуруска кыайыылааҕынан тахсыбыппыт. Билигин бу манна ким баҕарар кэлиэн сөп, оҕо төрөппүтүн кытта кэлэн дьарыктанарыгар усулуобуйа тэрилиннэ».

каток 2

Катогу үөрүүлээхтик арыйыы тэрээһинигэр, ыытааччы Галина Трайзе бэлиэтээбитинэн, Петр Иванович Аржаков салайааччылаах Н.В. Киселев аатынан успуорт комплексын кэллэктиибэ каток олоххо киирэрин туһугар улахан үлэни оҥорбут.
Бөһүөлэк катогун үөрүүлээхтик арыйыы чааһыгар, лиэнтэни Яков Елисеев, Чокурдаах баһылыга Рустам Шагабеев уонна успуорт комплексын дириэктэрэ Петр Аржаков быспыттар.

каток 3

Бу күн оҕо-аймах, эдэр ыччат ордук үөрэн-көтөн, Аллайыаха улууһун саҥа килэрийбит катогар хаҥкылаан абыраммыттар. 



Ылыллыбыт сигэтэ: https://xn--80aeofa1bhpfd4hwb.xn--p1ai/article/33368

Тарҕат:

Санааҕын суруй