Киир

Киир

Быйыл Саха Өрөспүүбүлүкэтэ тэриллибитэ 100 сылын көрсө, от ыйын 4-10 күннэригэр Уус Алдан Бороҕонугар Саха сирин норуоттарын VIII спортивнай оонньуулара ыытыллыахтара. Онон сибээстээн, улуус дьаһалтата уонна олохтоохторо тэрээһин үөһүгэр сылдьаллар. Ол туһунан СӨ Физкультураҕа уонна успуорка миниистирин солбуйааччы Александр Бугаев иһитиннэрдэ.

Миниистир солбуйааччыта этэринэн, быйыл спартакиада үс түһүмэхтээх буолуоҕа. Бастакы түһүмэх: улуустар бэйэлэрин ортолоругар күрэхтэри ыытан, сүүмэрдэммит хамаандаларын таҥыахтара. Иккис түһүмэх: мини-футболга, буоксаҕа уонна дуобакка өрөспүүбүлүкэ сүүмэрдиир чөмпүйэнээттэрэ тэриллиэхтэрэ (быһа холоон, кулун тутарга). Финал: от ыйын 4-10 күннэрэ, Бороҕон.

“Бэлэмнэнэ сылдьаллар, үс улахан эбийиэк тутуллар – стадион, элбэх функциялаах успуорт комплекса (Бороҕоҥҥо), Хапсыһыы киинэ (“Центр единоборств”, Мындаабаҕа)”, – диир Александр Бугаев.

Санаттахха, Саха сирин норуоттарын оонньууларыгар улуустар хамаандалара успуорт 17 көрүҥэр киирсэллэр: аэробика, баскетбол, волейбол, мини-футбол, чэпчэки атлетика, остуол тиэнньиһэ, көҥүл тустуу, дуобат, саахымат, оҕунан ытыы, буулдьанан ытыы, киирэ успуорда, спортинг, буокса, олорон эрэ оонньуур волейбол, чэпчэки атлетика (ПОДА).

Тарҕат:

Санааҕын суруй