Кулун тутар 5-6 күннэригэр аан дойду уонна өрөспүүбүлүкэ таһымнаах улахан успуорт тэрээһиннэрэ буолан аастылар. Манна УФСИН анал салаатын (спецназ) үлэһиттэрэ быйыл эмиэ кыайыылаах таҕыстылар.
Баһылай Манчаары аатынан успуорт төрүт көрүҥнэрин киинигэр Гаврил Десяткин кэриэһигэр өрөспүүбүлүкэ мас тардыһыыга биирдиилээн уонна хамаанданан чөмпүйэнээтин иккис күнүгэр УФСИН үлэһитэ, аан дойду кылаастаах успуорт маастара, аан дойду үс төгүллээх чөмпүйүөнэ Павел Черноградскай 90 киилэҕэ диэри ыйааһыннаахтарга добун кыайыылаах буолла.
Эмиэ бу күн Уус Алдан улууһун Бороҕонугар Иустин Кулачиков кэриэһигэр өрөспүүбүлүкэ гиирэни өрө анньыы чөмпүйэнээтигэр УФСИН үлэһитэ Владимир Оленов 73 киилэҕэ диэри ыйааһыннаахтарга инники күөҥҥэ тахсан, быйыл от ыйыгар ыытыллыахтаах Саха сирин норуоттарын VIII-с оонньууларыгар кыттар кыаҕы ылла.
Дьэ, уонна САССР тэриллибитэ 100 сылыгар аналлаах норуоттар икки ардыларынааҕы үбүлүөйдээх XXV-с «Хаҥалас Хапсаҕайа» турнирга УФСИН үлэһитэ, уораҕай икки төгүлээх чөмпүйүөнэ Прокопий Петров 80 киилэҕэ диэри ыйааһыннаахтары тулуппата.
