Муус устар 2 күнүгэр Сочига Арассыыйа марафоҥҥа чөмпүйэнээтэ ыытыллыахтаах.
Бастыҥ сүүрүкпүт Сардаана Трофимова саас ыытыллар дойду чөмпүйэнээттэригэр кыттарыгар үөрэнэн хаалбыппыт. Кини марафоҥҥа Арассыыйа чөмпүйэнээтин биэс төгүллээх кыайыылааҕа (2015, 2018, 2019, 2020, 2021). Кэнники сылларга Арассыыйаҕа тэҥнээҕин булбатах тумус туттар сүүрүкпүт быйылгы чөмпүйэнээти көтүтэргэ санаммыт.
Ол да буоллар Арассыыйа чөмпүйэнээтигэр алта Саха сирин сүүрүгэ кыттара былааннанар. Холобур, Амматтан төрүттээх Надежда Бут дойду улахан түһүлгэлэригэр син элбэхтик кытынна. Өссө Татьяна Жиркова эрчийэр бөлөҕөр дьарыктанар Алена Татаринова уонна Саргылаана Седалищева кыттыахтаахтар.Чөмпүйэнээт иккис күнүгэр 20 килэмиэтиргэ (полумарафон) сүүрүү тэриллиэхтээх. Онно Саха сириттэн Дьулустаан Елисеев, Константин Драгунов, Пелагея Григорьева кыттыахтаахтар.
Сардаана Трофимова Арассыыйа марафоҥҥа чөмпүйэнээттэригэр кыттыылара
Сыл |
Күрэхтэһии аата |
Дистанция |
Бир. |
М |
|
11.05.2015 |
Арассыыйа чөмпүйэнээтэ, Казань |
Марафон |
2:29.30 |
I |
|
7.05.2017 |
Арассыыйа чөмпүйэнээтэ, Волгоград |
Марафон |
2:31.32 |
IV |
|
30.04.2018 |
Арассыыйа чөмпүйэнээтэ, Волгоград |
Марафон |
2:28.55 |
I |
|
5.05.2019 |
Арассыыйа чөмпүйэнээтэ, Казань |
Марафон |
2:31.31 |
I |
|
6.12.2020 |
Арассыыйа чөмпүйэнээтэ, Сочи |
Марафон |
2:27.09 |
I |
|
3.04.2021 |
Арассыыйа чөмпүйэнээтэ, Сочи |
Марафон |
2:28.28 |
I |
|