Киир

Киир

Муус устар 15-18 күннэригэр Ямал-Ненец автономиялаах уокурук Лабытнанги куоратыгар Бүтүн Арассыыйатааҕы I-гы Арктика оонньуулара буолан аастылар. Саха сирин эдэр охчуттара онно кыттан үрдүк ситиһиилэннилэр: биирдиилээн киирсиигэ түөрт кыһыл көмүс, биир үрүҥ көмүс, биир боруонса мэдээллэри, хамаанданан киирсиигэ биир кыһыл көмүс уонна биир үрүҥ көмүс мэдээллэри ыллылар. 

3937d7dc 8b24 4228 9694 25c1235ad2d0

Саина Громова уонна Айсен Николаев "классическай ох" дивизиоҥҥа биирдиилээн уонна хамаанданан киирсиигэ икки төгүл кыайыылаах таҕыстылар. Оттон Катя Корнилова "блочнай ох" дивизиоҥҥа көмүс мэтээл, Тимур Соловьев – боруонса мэдээл хаһаайыттара буоллулар. Катялаах Тимур хамаанданан киирсиигэ иккис миэстэҕэ тигистилэр. Ити курдук эдэр спортсменнар хамаандалара мэдээллэрин ахсаанынан тэҥнээхтэрин булбатылар.

00403928 8cfc 4daa 91c0 cebc2b46b2e9

Онон кинилэр Саха сирин эдэр спортсменнарын сүүмэрдэммит хамаандатыгар киирэннэр, Арассыыйа үөрэнээччилэрин сайыҥҥы спартакиадатыгар сүүмэрдиир Бүтүн арассыыйатааҕы күрэхтэһиилэргэ кытта барыахтара. Эдэр охчуттар ситиһиилэрин Арассыыйа тэлэбиидэнньэтин киин ханаалыгар кэпсээбиттэр.